Çfarë të bëni kur ankthi nuk ju lejon të flini

stres-gjume

Gjatë këtyre ditëve të mbushura me më shumë ankth se zakonisht për shkak të pandemisë CoViD-19, shumë njerëz janë duke përjetuar probleme me gjumë Por, gjumi i mjaftueshëm dhe i qetë është një faktor kryesor në mbrojtjen e shëndetit dhe sistemit tuaj imunitar.

“Gjumi është shumë i rëndësishëm. Mund të ju bëjë më të lumtur dhe më të shëndetshëm,” tha Jenny Prinsen, një infermiere në Klinikën Mayo e Sistemit Shëndetësor në Wisconsin. “Është koha që të mbushni bateritë, andaj bëjeni këtë prioritet.”

Sfidat e gjumit

Ekzistojnë një numër faktorësh që mund të ndikojnë gjumin tuaj.

  • Gërhitja: Pothuajse gjysma e të gjithë meshkujve të rritur dhe 1/3 d femrave gërhasin. Ju mund të zvogëloni gërhitjet tuaja duke u shtrirë në njërën anë në vend se në shpinë dhe duke rregulluar jastëkun.
  • Kafeina: Ky produkt mund të ndikojë në gjumin tuaj. Mos hani ushqime dhe mos pini pije që përmbajnë kafeinë para se të flini. Ehe nëse mund të ju zë gjumi, kafeina e tepërt gjatë ditës mund të ndikojë në kualitetin e gjumit tuaj.
  • Sfidat e të qenit prind: Në mes të ushqyerjes dhe të qarave gjatë natës, shumica e prindërve të ri arrijnë të flejnë vetëm për disa orë. Nëse jeni në këtë situatë provoni të flini sa herë që e vendosni foshnjën tuaj në gjumë.

Udhëzime për gjumë më të mirë

Kualiteti i gjumit tuaj është po aq i rëndësishëm sa edhe kuantiteti. Ju mund të jeni në shtrat për tetë orë dhe përsëri të ndjeheni i lodhur ditën tjetër, nëse gjumi juaj ndërpritet shpesh brenda natës.

Për të fjetur më mirë, provoni të bëni këto gjëra:

  • Krijoni një ambient ideal gjumi. Hapësira ku flini duhet të jetë e errët, e qetë, e rahatshme dhe me temperaturë mesatare.
  • Ndiqni një orar gjumi. Shkoni në shtrat dhe zgjohuni në kohën e njëjtë çdo ditë, duke përfshirë edhe fundjavën. Kjo i ndihmon trupit tuaj që të riforcojë ciklin gjumë-zgjim dhe mundëson gjumë më të mirë.
  • Jepni vetëm kohë për t’u qetësuar. Krijoni një rutinë relaksuese para gjumit. Ju mund të lexoni një libër, shikoni një film, dëgjoni muzikë relaksuese, të bëni dush apo të meditoni.
  • Largoni telefonat dhe ndalni televizorin. Dedikoni 30-60 minutat para gjumit si kohë të lirë nga pajisjet elektronike. Minimizimi i ekspozimit ndaj dritës së këtyre pajisjeve i ofron trurit tuaj kohën e nevojshme për t’u ndjerë i përgjumshëm.
  • Përdorni shtratin vetëm për gjumë. Mos hani, punoni, përdorni telefonin, shikoni TV pasi të gjitha këto gjëra do e bëjnë atë ambient jo relaksues për mendjen tuaj në të ardhmen.
  • Bëni aktivitet fizik rregullisht. Kjo do ju ndihmojë që të ju zë gjumi më shpejtë dhe që gjumi të jetë më i thellë. Ushtroni sa më herët që mundeni, gjatë ditës.
  • Mos konsumoni kafeinë të paktën në 10 orët para se të flini dhe po ashtu mos konsumoni alkool para gjumit.

Nëse ndiqni këto udhëzime dhe akoma nuk mund të mbusheni gjumë dhe ndjeheni të lodhur, atëherë bisedoni me mjekun tuaj për t’u siguruar që nuk keni ndonjë çrregullim të gjumit.


Kosova In EU

Kosovain.eu është media online e themeluar në vitin 2009. Qëllimi kryesor ishte dhe mbetet informimi i shpejtë, i paanshëm dhe profesional, si një nga shtyllat kryesore të një shoqërie që aspiron integrimin në familjen evropiane.

Kontakti:

Adresa: Rr. “Shaban Polluzha”, Ndërtesa I, Kati 7, Nr.59, 10000 Prishtinë, Kosovë

Tel: + 383 38 71 77 88

Email: [email protected]


Për ne