Irani dënon arritjen e marrëveshjes mes Bahrejnit dhe Izraelit

Irani

Irani ka dënuar sot vendimin e Bahrejnit për të vendosur marrëdhënie të plota diplomatike me Izraelin.

Shtëpia e Bardhë njoftoi për marrëveshjen më 11 shtator, vetëm katër javë pasi Emiratet e Bashkuara Arabe arritën marrëveshje të ngjashme me Izraelin. Të tri shtetet planifikojnë që të marrin pjesë në një ceremoni, që do të mbahet në Uashington javën e ardhshme.

“Ishte një vendim i ulët dhe i turpshëm që do të hyjë në histori si akt skandaloz”, tha Ministria e Jashtme iraniane përmes një njoftimi për media.

Kjo ministri akuzoi Bahrejnin se ka sakrifikuar palestinezët për hir të fushatës për rizgjedhjen e presidentit amerikan, Donald Trump.

“Populli palestinez dhe bota islamike asnjëherë nuk do të pranojnë normalizimin e marrëdhënieve me Izraelin”, tha Ministria e Jashtme e Iranit.

Muajin e kaluar, Emiratet e Bashkuara Arabe dhe Izraeli arritën marrëveshje për normalizimin e marrëdhënieve dhe atëbotë u përfol se të njëjtën gjë mund ta bëjë edhe Bahrejni.

Presidenti Trump ka ndihmuar në arritjen e të dyja marrëveshjeve, si pjesë e presionit diplomatik për të integruar plotësisht shtetin hebre në Lindjen e Mesme.

Bahrejni është pajtuar që ta formalizojë marrëveshjen me Izraelin në një ceremoni në Shtëpinë e Bardhë më 15 shtator, ku Emiratet e Bashkuara Arabe po ashtu do ta nënshkruajnë marrëveshjen për normalizim me Izraelin.


Kosova In EU

Kosovain.eu është media online e themeluar në vitin 2009. Qëllimi kryesor ishte dhe mbetet informimi i shpejtë, i paanshëm dhe profesional, si një nga shtyllat kryesore të një shoqërie që aspiron integrimin në familjen evropiane.

Kontakti:

Adresa: Rr. “Shaban Polluzha”, Ndërtesa I, Kati 7, Nr.59, 10000 Prishtinë, Kosovë

Tel: + 383 38 71 77 88

Email: [email protected]


Për ne