BE

BE

Odat ekonomike te Kosovës dhe Finlandës nënshkruan marrëveshje bashkëpunimi

Publikuar më 17 Maj 2010

Artikuj të ngjashëm

Shiko arkivën e lajmeve

Me qëllim të rritjes së bashkëpunimit ndërmjet bizneseve kosovare dhe atyre nga Finlanda, në Prishtinë është nënshkruar një marrëveshje bashkëpunimi ndërmjet Odës Ekonomike të Kosovës dhe Odës Ekonomike të Finlandës.

Zëvendësministri i Tregtisë dhe Industrisë në Qeverinë e Kosovës, Januz Kastrati vlerësoi lartë kontributin që po japin bizneset e Finlandës për zhvillimin ekonomik në Kosovë.

“Qeveria do të mbështesë bashkëpunimin e bizneseve vendore me ato jashtë vendit në mënyrë institucionale, përmes politikave të favorshme të investimeve, në krijimin e kushteve për konkurrencë të drejtë si dhe përshpejtimin e procedurave administrative në nivel qendror dhe lokal”, tha Kastrati.

Kryetari i Odës Ekonomike të Kosovës, Besim Beqaj vlerësoi se nënshkrimi i marrëveshjes paraqet fillim të bashkëpunimit me vendet skandinave dhe kjo sipas tij, është shembull i mirë që vendet skandinave tregojnë interesim për bashkëpunim ekonomik me Kosovën.

Anne Hatanpaa, nga Oda Ekonomike e Finlandës tha se qëllimi i kësaj marrëveshje është rritja e bashkëpunimit në mes të bizneseve të Finlandës dhe Kosovës.