BE

BE

Lavrov bën thirrje për zbatim të marrëveshjeve Kosovë -Serbi

Publikuar më 21 Shtator 2018

Artikuj të ngjashëm

Shiko arkivën e lajmeve

Ministri i Jashtëm i Rusisë, Sergei Lavrov ka thënë se Rusia e përshëndet dialogun ndërmjet Prishtinës dhe Beogradit si dhe ka bërë thirrje që marrëveshjet që arrihen nga ky dialog të zbatohen.

"Është e nevojshme të respektohen parimet e rezolutës 1244. Ne e përshëndesim dialogun e drejtpërdrejt ndërmjet Prishtinës dhe Beogradit por më e rëndësishme është që ajo që arrihet përmes dialogut të realizohet vërtetë", ka thënë Lavrov, gjatë një vizite që po realizon të premten në Bosnje- Hercegovinë, transmeton rel.

Ai ka theksuar se lojtarët e Jashtëm në Ballkan, nuk duhet të krijojnë ndonjë situatë konflikti dhe se asnjëri nuk duhet të mendojë se vetëm ai ka të drejtë të merret me situatën në Ballkan dhe të tjerët jo.

Pas takimeve me autoritetet e Bosnje Hercegovinës, Lavrov ka thënë se Rusia mbështet integritetin dhe sovranitetin e Bosnje Hercegovinës.