BE

BE

Parlamenti Europian voton në favor të liberalizimit të vizave për Kosovën

Publikuar më 28 Mars 2019

Artikuj të ngjashëm

Shiko arkivën e lajmeve

Parlamenti Europian ka votuar në favor të heqjes së regjimit të vizave për Kosovën.

Këtë e ka bërë të ditur raportuesja për Kosovën në PE, Tanja Fajon, e cila ka thënë se e inkurajon Këshillin Europian që të veprojë tani.

"Shumica kanë votuar në të mirë të liberalizimit të vizave për Kosovën. I bëjmë thirrje Këshillit Europian të veprojë TANI".T

A good majority in favor of visa liberalisation for Kosovo. Thank you, @Europarl_EN
We urge @EUCouncil to act, NOW! @Avramopoulos #EPlenaryLIBE Committee Press?@EP_Justice#EPlenary reiterates Kosovo should get visa-free access to the EU. Press release to follow soon 
?@tfajon?
3512:05 PM - Mar 28, 2019Twitter Ads info and privacySee Tanja Fajon, mag.'s other Tweets

Ky votim ka qenë pjesë e një hapi ligjor, në mënyrë që të vazhdohet mandati i këtij procesi edhe në kohën e tranzicionit, pasi zgjedhjet në Bashkimin Europian do të mbahen në muajin maj.

Procesi i liberalizimit të vizave ndërmjet Kosovës dhe Bashkimit Europian ka filluar në vitin 2012. Bashkimi Europian i kishte vënë Kosovës si detyrë të plotësojë 95 kritere për të marrë rekomandimin pozitiv për liberalizim të vizave nga Komisioni Europian.

Një rekomandim të tillë, Komisioni Europian e ka bërë në korrik të vitit 2018, ndërkaq në shtator të po atij viti, Parlamenti Europian kishte votuar në favor të liberalizimit të vizave për Kosovën.

Në muajin dhjetor të vitit të kaluar, Këshilli i Ministrave nuk e vendosi fare në agjendën e takimit të tyre çështjen e liberalizimit të vizave për Kosovën.

Kosova është vendi i vetëm në rajon, qytetarët e së cilës i nënshtrohen regjimit të vizave në zonën Shengen.