Ekonomi

Ekonomi

Qeveria miraton propozim-vendimin për kursime dhe ndarje buxhetore

Publikuar më 05 Nëntor 2019

Artikuj të ngjashëm

Shiko arkivën e lajmeve

Qeveria në detyrë, në mbledhjen e saj sot ka miratuar propozim-vendimin për kursime dhe ndarje buxhetore të organizatave buxhetore, në pajtim me nenin 15 të Ligjit për Buxhetin e Republikës së Kosovës për vitin 2019.

Po ashtu në këtë mbledhje është miratuar edhe raporti i Thesarit për të hyrat dhe shpenzimet dhe shpenzimet për periudhën 9 mujore.

Këto dy propozim-vendime i ka arsyetuar ministri në detyrë i Financave, Bedri Hamza, i cili tha se përfitues i vendimit të parë janë Policia e Kosovës me mbi 4 milionë euro për blerje të pajisjeve. Po ashtu para janë ndarë edhe për Ministrinë e Punës, Ministrisë së Jashtme dhe SHSKUK, raporton ksp.

Në këtë mbledhje është miratuar edhe propozim vendimi për rivarrimin e Dëshmorëve të Kombit.

Kryeministri në detyrë, Ramush Haradinaj tha se nëse vonohet edhe më tej formimi i qeverisë të mbahen edhe një mbledhje e ardhshme, duke parë rëndësinë për vendin.

Mbledhja e fundit e qeverisë në detyrë ishte mbajtur më 26 korrik

Kryeministri në detyrë, Ramush Haradinaj, pas mbledhjes së qeverisë ka thënë se taksa është një ndër temat që ka konsoliduar Kosovën.

"Pëlqej reciprocitetin, por ky është dënim. Pa e marrë njohjen nga Serbia s'mund të bëhet kjo", tha Haradinaj.