Kosovë

Kosovë

Edhe një konvikt për studentët e UP-së

Publikuar më 09 Gusht 2017

Artikuj të ngjashëm

Shiko arkivën e lajmeve

Qendra Studentore e Universitetit të Prishtinës i ka bërë përgatitjet për vitin e ri akademik. Risia këtë herë do të jetë edhe konvikti numër tetë i cili do t'i zgjerojë kapacitetet për banim në 4 mijë vende.

Qendra Studentore në Prishtinë pritet që në tetor të vë në funksion edhe konviktin numër tetë, i cili është gati të përfundojë së ndërtuari, raporton RTK.

Ky konvikt do ta zgjerojë kapacitetin edhe për 305 shtretër, ku gjithsej kjo qendër do të ketë 4000 vende banimi për studentë.

Edhe këtë vit, për kategori të ndryshme të studentëve do të ketë lehtësira në pranimin e tyre në konvikte.

Konkursi për pranimin e studentëve në konviktet do të hapet në javën e parë të muajit shtator.