Kosovë

Kosovë

Tahiri konfirmon vdekjen e Rron Eminit në Siri

Publikuar më 13 Maj 2019

Artikuj të ngjashëm

Shiko arkivën e lajmeve

Ministri i Drejtësisë, Abelard Tahiri, e ka konfirmuar vdekjen e shtetasit kosovar, Rron Emini, në luftën e Sirisë. 25 vjeçari nga Prishtina ishte pjesë e organizatës terroriste "Al-Nusra". Tahiri ka thënë shkurt se "institucionet e Kosovës kanë informacion për vdekjen e të riut".

"Kemi marrë informacion që një kosovar, që dyshohet se ka qenë pjesë e grupit 'Al-Nusra', Rron Emini ka vdekur. Për momentin, ne si qeveri i kemi këto informacione. Nesër do të interesohemi për të ditur më shumë", ka thënë për KTV-në, ministri i Drejtësisë, Abelard Tahiri.

Burime të Koha.net kanë bërë me dije se fjala është për shtetasin me inicialet Rr. E., i cili bashkë me tre persona të tjerë i ishte bashkuar luftës në Siri.

Koha.net ka provuar që konfirmojë lajmin prej zyrtarëve për informim edhe në Policinë e Kosovës edhe në Ministrinë e Punëve të Jashtme, por asnjëra palë nuk ka qenë në gjendje ta konfirmojë një gjë të tillë.

Kujtojmë se 110 shtetas të Kosovës janë kthyer së fundi në Kosovë nga Siria, derisa sipas autoriteteve të Kosovës atje vazhdonin të qëndronin edhe 65 shtetas të tjerë kosovarë.