Kosovë

Kosovë

Presidenti Thaçi sot takohet në Prishtinë me emisarin e Trumpit

Publikuar më 09 Tetor 2019

Artikuj të ngjashëm

Shiko arkivën e lajmeve

Presidenti Hashim Thaçi do të takohet sot në Prishtinë me Richard Grenell, të dërguarin e posaçëm të presidentit amerikan Donald Trump për ndërmjetësim të dialogut Kosovë - Serbi.

Zyra e presidentit njofton se Thaçi sot në orën 13:00 e pret në zyrën e tij emisarin e presidentit amerikan Donald Trump.

"Në orën 13:00, Presidenti i Republikës së Kosovës, Hashim Thaçi, pret në takim përfaqësuesin special të presidentit të SHBA-së, Donald Trump, për dialogun Kosovë-Serbi, ambasadorin Richard Grenell", thuhet në njoftimin e Presidencës.

Grenell e viziton Kosovën për herë të parë, pak ditë pasi ai e mori detyrën e re si i dërguar special i SHBA-së në negociatat mes Kosovës e Serbisë, që janë ndalur qe një vit.

I angazhuari i Trumpit është ambasador i Shteteve të Bashkuara në Gjermani.