Kosovë

Kosovë

Ahmeti i përgjigjet Zybës

Publikuar më 10 Tetor 2019

Artikuj të ngjashëm

Shiko arkivën e lajmeve

Kryetari i Prishtinës dhe i PSD-së, Shpend Ahmeti i është përgjigjur ish-deputetit të Vetëvendosjes Salih Zyba që të martën kërcënoi Ahmetin me rrëzim nga posti i kryetarit të kryeqytetit dhe tha se "vendin ku do të jetojë ka të drejtë ta zgjedhë si Xhabir Zharku".

Ahmeti në përgjigjen e tij ka thënë se s'ka synim azil në asnjë shtet e se s'ia ka frikën "kërcënuesve në asnjë rrethanë".

"Jam qytetar krenar i Republikës së Kosovës dhe nuk e kam synim azilin në asnjë shtet tjetër. Nuk ja kam pas frikën kërcënuesve në asnjë rrethanë e aq më pak disave që i njoh mirë. Urime miq të mi! Kosova ka mjaft probleme për me i zgjidh", ka shkruar ai në Facebook.

Pak para reagimit të Ahmetit, nënkryetari i Vetëvendosjes, Besnik Bislimi, kërkoi nga anëtarët e partisë të mos përçmojnë opozitarët.