Kosovë

Kosovë

Shtatë muaj deri në parashkrimin e lëndës ndaj 27 aktivistëve të LVV-së

Publikuar më 12 Janar 2019

Artikuj të ngjashëm

Shiko arkivën e lajmeve

Shtatë muaj kanë mbetur para parashkrimit të procesit gjyqësor ndaj 27 aktivistëve dhe ish-aktivistëve të Lëvizjes Vetëvendosje, të akuzuar për djegien e veturave të EULEX-it në vitin 2009, shkruan sot Koha Ditore.

Gjykimi ndaj tyre ka filluar para katër vjetësh, por brenda kësaj periudhe janë zhvilluar vetëm dy seanca gjyqësore. Për tre vjet nuk është caktuar më asnjë seancë e re.

Gjasat për një verdikt final janë minimale. Së pari, për shkak se, sipas zyrtarëve të Gjykatës Themelore të Prishtinës, ende nuk kanë arritur t'i sigurojnë nga Policia e Kosovës as adresat e të akuzuarve, në mënyrë që t'ua dërgojnë ftesat për seancë.

Po ashtu, është ndërruar trupi gjykues, që nënkupton se i tërë procesi është kthyer në pikën "zero". Ndërkaq për t'i ikur parashkrimit, lënda duhet t'i kalojë tri shkallët e gjykatave.