Kult-Showbiz

Kult-Showbiz

Rita Ora falënderon fansat: Ne bëmë histori sot

Publikuar më 07 Tetor 2018

Artikuj të ngjashëm

Shiko arkivën e lajmeve

Rita Ora së fundmi shënoi histori në top listat britanike, duke u bërë artistja femër me më së shumti këngë solo në Top 10. Për krejt fansat e saj që i kanë ndihmuar asaj të arrijë këtë sukses, këngëtarja Ora ka një falënderim.

Ajo publikoi një fotografi nga Madridi, ndërsa shkruante në mbishkrimin e imazhit falënderime për fansat e saj, me të cilët së bashku arritën të bëjnë histori.

"Faleminderit për fansat e mi të mrekullueshëm që janë me mua në çdo hap timin. Ne bëmë histori sot dhe kjo falë jush. Jam në Madrid për të performuar por nuk mund të pres për të festuar me ju të gjithë kur të kthehem, veçanërisht kur ne të lansojmë albumin tim të ri", ka shkruar këngëtarja shqiptare.

Para pak ditësh Rita ishte në Berlin, e ndërsa së fundmi udhëtoi për në kryeqytetin spanjoll për performancën e saj të radhës.

"Let you love me" titullohet kënga e fundit e saj, e cila u prit shumë mirë nga fansat, dhe ka marrë miliona klikime në YouTube.

Ora gjithashtu ka bërë të ditur se albumi i saj i plotë do të publikohet më 23 nëntor, dhe përbrenda tij do të ketë shumë këngë të reja dhe një bashkëpunim.