Rajon-Botë

Rajon-Botë

Gjermania, një vit qira për azilkërkuesit që kthehen vullnetarisht

Publikuar më 28 Nëntor 2018

Artikuj të ngjashëm

Shiko arkivën e lajmeve

Ministria e Brendshme gjermane ka nisur një fushatë të polemizuar, duke premtuar pagesën e një viti qira për azilkërkuesit që kthehen vullnetarisht në vendet e tyre të origjinës.

Pllakate, në të cilët shkruhej "Vendi juaj, e ardhmja juaj" janë shfaqur tani në kryeqytetin gjerman, e së fundmi në gjuhë të ndryshme, përfshirë frëngjishten, anglishten, arabishten dhe rusishten.

Ministria e Brendshme ka konfirmuar se pllakatet janë pjesë e programeve "Kthim nga Gjermania", që shpresojnë të rrisin numrin e azilkërkuesve që kërkojnë vullnetarisht të kthehen në vendin e tyre të origjinës.

Fushata promovon një program riatdhesimi, përmes të cilit azilkërkuesit mund të marrin ndihmë shtesë nëse aplikojnë për kthim para 31 dhjetorit. Të kthyerit do të marrin ndihmë për strehim në formën e mbështetjes për qira, ndërtim apo rindërtim, ose për pajisjet bazë si kuzhina apo tualete, me shumën maksimale që mund të shkojë në 3.000 euro për një familje, apo 1.000 euro për një person, përcjell TCh.

Gjermania, edhe më parë ofronte lloje të ndryshme nxitjesh financiare për azilkërkuesit që duan të kthehen në shtëpi. Ata që vendosin të kthehen përpara se procedurat të përfundojnë, mund të marrin deri në 1.200 euro, ndërsa ata që vendosin të kthehen brenda periudhës së përcaktuar, pas refuzimit të kërkesës për azil, mund të marrin 800 euro.