Sport

Sport

Stadiumi që është vetëm projekt në letër, i vihet emri “Dardania Arena”

Publikuar më 18 Maj 2017

Artikuj të ngjashëm

Shiko arkivën e lajmeve

Stadiumi i cili është ende në letër, pa projekt dhe pa ndonjë datë se kur do të nisë e kur do të përfundojë, të mërkurën është bërë me emër.

Stadiumi i quajtur nacional, për të cilin është marrë vendim para tre vjetësh të ndërtohet në Bërnicë të Poshtme, pak kilometra nga Prishtina, do të njihet - "Dardania Arena".

"Dardania Arena" ishte një prej disa propozimeve të bëra kohëve të fundit. Kishte propozime të ndryshme se si të emërtohej ky stadium, ndër to edhe "Fadil Vokrri" e "Adem Demaçi", shkruan sot Koha Ditore.

Por vendimi për "Dardania Arena" është marrë të mërkurën. I pari që dha lajmin për vendimin e marrë rreth emërtimit ishte kryetari i grupit të tifozëve të Kosovës "Dardanët", Lulzim Berisha.

Berisha në një postim në Facebook shkroi se për të gjithë sportdashësit ka një lajm të mirë. "Stadiumi nacional 'Dardania Arena'. Urime të gjithëve".