Sport

Sport

Golden State përball "Raketave" të Houstonit në Perëndim

Publikuar më 09 Maj 2018

Artikuj të ngjashëm

Shiko arkivën e lajmeve

Dy ekipet më të mira në Konferencën Perëndimore, do të ballafaqohen mes vete.

Ashtu edhe siç pritej, dy ekipet e para në Perëndim gjatë sezonit të rregullt, janë kualifikuar në finalen e kësaj konference.

Golden State Warriors arritën që lehtësisht të eliminojnë New Orelans Pelicans pas pesë ndeshjeve të zhvilluara, 4:1 me rezultat të përgjithshëm.

113:104, ishte rezultati përfundimtar i sfidës së zhvilluar mbrëmë në Oracle Arena, ku shkëlqyen pesëshja startuese e Warriors, me 96 pikë të realizuara në total. Stephen Curry me 28 pikë ishte më i miri në radhët e vendasve, kurse te Pelicans nuk mjaftoi as super paraqitja e Anthony Davis, i cili pati double-double prej 37 pikësh e 19 kërcimesh.

Me rezultat identik 4:1, pas pesë ndeshjeve të zhvilluara, kualifikohet edhe Houston Rockets.

Ekipi nga Teksas ishte bindshëm më i mirë në këtë seri, ashtu siç e dëshmoi në sfidën e fundit ndaj Jazz, duke triumfuar 112:102.

Chris Paul që po kalon në një formë të jashtëzakonshme, ishte i pandalshëm, duke realizuar 41 pikë, 10 asistime dhe 7 kërcime, kurse James Harden shtoi 18 pikë të tjera.

Te Utah, mungoi edhe në këtë ndeshje Ricky Rubio, kurse pikëshënuesi më i mirë i Jazz ishte edhe njëherë me radhë, Donovan Mitchell, që shënoi 24 pikë.