Sport

Sport

Messi: Duam t'i fitojmë të gjithë trofetë

Publikuar më 17 Tetor 2019

Artikuj të ngjashëm

Shiko arkivën e lajmeve

Ylli i Barcelonës, Lionel Messi ka thënë se nuk kanë ndonjë trofe prioritet, por që duan t'i fitojnë që të gjitha.

Messi ka arritur të fitojë këpucën e gjashtë të artë dhe gjithashtu muajin e kaluar ka arritur të fitojë çmimin lojtari më i mirë i shpallur nga FIFA.

Argjentinasi tha se flasin shumë për Ligën e Kampionëve, por nuk e mbajnë prioritet, pasi duan të fitojnë edhe La Ligën ose Kupën e Mbretit, transmeton KP.

"Pavarësisht pse kemi biseda të shumta për Ligën e Kampionëve, nuk e harrojmë La Ligën ose Kupën e Mbretit. Liga e Kampionëve është diçka speciale, por La Liga është gjëja më e rëndësishme. Gjithmonë duam të fitojmë gjithçka", deklaroi ai.

Barcelona këtë sezon në La Liga është në vendin e dytë me 16 pikë, dy me pak se rivali i përjetshëm, Real Madrid, që nuk di për humbje në kampionatin spanjoll.