Sport

Sport

Kamberi flet për grumbullimin me Shqipërinë dhe pse iu mohua debutimi

Publikuar më 26 Nëntor 2019

Artikuj të ngjashëm

Shiko arkivën e lajmeve

Grumbullimi me kombëtaren shqiptare nuk ka shkuar ashtu siç ishte parashikuar për Florian Kamberin.

Zbulimi i Edi Rejës u përfshi në listë për dy sfidat e fundit eliminatore të Euro 2020, ku kuqezinjtë matën forcat me Andorrën dhe Francën. Gjithsesi, Kamberi nuk ishte i gatshëm për t'u aktivizuar për asnjë minutë nga 180 minutat në dispozicion.

Kjo për shkak se Federata zvicerane bllokoi gjithçka, me Kamberin që është aktivizuar me këtë kombëtare dhe i duhej një leje kalimi. Diçka që nuk erdhi në momentin e duhur.

Por, pavarësisht kësaj, 23-vjeçari që luan te Hiberniani në Skoci është shfaqur i kënaqur, pasi takoi shokët e kombëtares.

"Isha i kënaqur kur pranova thirrjen time të parë dhe u stërvita me ekipin. Por, atëherë zbulova se dokumentet nga Zvicra nuk ishin të gatshme. Ishte shumë zhgënjyese të përjashtohej për shkak të dokumenteve. Unë bëra gjithçka nga ana ime për të qenë gati, shkova atje dhe doja të bëja debutimin tim", u shpreh Kamberi, transmeton Ora News.

Tutje Kamberi sqaron situatën se pse s'ka mundur të debutojë me "Kuqezinjtë", përkundër që Reja kishte planifikuar t'i jepte minuta në të dyja ndeshjet.

"Unë mendoj se Zvicra (Shoqata e Futbollit) duhej të dërgojë disa dokumente në FIFA dhe ata nuk e bënë atë. Unë kisha folur tashmë me trajnerin Reja dhe ai më tregoi se si ai donte të luaja. Ai më tha 'unë dua që ju të debutoni që nga minuta e parë kundër Andorrës dhe të luani një pjesë loje ndaj francezëve'. Kështu që kur dokumentet nuk ishin gati, kjo ishte e bezdisshme. Por jeta vazhdon. Unë thjesht duhet të jem i durueshëm, tani jam përsëri në Hibs. Të paktën isha atje, takova të gjithë dhe kalova një javë të mirë atje", deklaroi Kamberi për faqen zyrtare të klubit skocez.